Barandiaran Fundazioak, Labayru Ikastegiko Etnografia arloaren, Asmoz Fundazioaren eta Eusko Ikaskuntzaren laguntzaz, Euskal Etnografia izeneko on-line ikastaroa eratu dau.

Urriaren 15ean hasi eta gitxienez 55 ordukoa izango dan ikastaroonek hilabete biko iraupena izango dau eta gaztelaniaz landuko da. Izena emoteko epea urriaren 1era arte egongo da zabalik.

Gaiak, etnografian adituak diran irakasle eta jakitunak landu ditue, batez be, Etniker Euskalerria taldeetako kideak dira, salbuespen bat edo bestegaz. Esaterako, J.A. Rubio-Ardanaz (Extremadurako Unibersidadeko Antropologia Fakultadeko irakaslea).

Jorratuko diran gai nagusiak honakook dira: Sarrera; Metodologia; Inguru fisikoa eta kulturala; Etxea eta familia; Medikuntza, garbikuzia eta gaixotasunak; Jaiotza, gaztaroa, ezkontza eta heriotzaren gaineko erritoak; Jokoak; Ogibideak (abeltzantza, nekazaritza, arrantza eta euskolangintza); Auzoa; Herri-erlijinoa; Herri egutegia eta siniskera eta mitologia. Guztira 12 gai.

Norentzat dan? Bizi dogun gure euskal inguruaren gaineko errealidade soziala eta kulturala ezagutu gura daben edozeinentzat.